صنعاء نيوز/عمر دغوغي -

بقلم: عمر دغوغي الإدريسي مدير مكتب صنعاء نيوز بالمملكة المغربية
[email protected]
https://web.facebook.com/dghoughiomar1

فالعالم كيتغيّر بسرعة، والفرص ما كتسناش واللي بغا يتحرك، خاصو يديرها دابا، ماشي حتى «يشوف الظروف».
التجارة اليوم ولات من أهم المسارات اللي كتوفّر الاستقلالية والحرية المالية، ولكن بزاف ديال الناس مازالين كيسنّاو "الوقت المناسب"، وهاد الوقت ربما ما يجيش أبدًا.

الفرص كتخلقها ماشي كتسناها
ماشي ضروري يكون عندك رأس مال كبير باش تبدا اليوم تقدر تبدا من الصفر، سواء فالتجارة الإلكترونية، أو بيع خدمات، أو حتى مشروع بسيط فالحومة.
التكنولوجيا وفرت لك بزاف ديال الطرق اللي تقدر تنجح بها خاص غير تبدا.

. كل يوم كتسناه هو خسارة
كل نهار كتمرّ من غير ما تبني فيه حاجة، هو خطوة للوراء.
المنافسة كتزيد، والأسواق كتتغير، واللي بدا اليوم غادي يكون سابقك بخطوات غدا أشنو كتسنى؟

. الخبرة كتجي مع الطريق
ماشي خاصك تعرف كلشي باش تبدا بالعكس، غادي تتعلم فالميدان، وتغلط وتصحح، وهادي هي أكبر مدرسة.
الناس اللي نجحو ما بداوش وهم عارفين كلشي، ولكن بداو وخداو الخطوة الأولى

. التجارة تساوي حرية
الخدمة فشركة ولا إدارة كتخليك تابع للآخرين أما فالتجارة، راك كتخدم على راسك، وبنفسك، وفي الوقت اللي بغيتي.
تقدر تنظم حياتك بطريقة كتخدمك، وتحقق توازن بين حياتك الشخصية والمهنية

. الخوف وهم، والفرص حقيقية
الخوف من الفشل كيرجعنا اللور ولكن الحقيقة أن الفشل هو جزء من النجاح اللي بغا يربح، خاصو يقبل أنه يتعثر، ولكن يقوم ويكمّل أسوأ حاجة هي تبقى في بلاصتك بلا ما تحاول

ما تبقاش كتسنى «الوقت المناسب»، راه أحسن وقت تبدا فيه كان البارح، والتاني أحسن وقت هو اليوم.
دير بحث، اختار مجال، حط خطة بسيطة، وخدا أول خطوة ماشي ضروري تكون البداية مثالية، ولكن خاصها تكون بداية.