صنعاء نيوز/ احلام القبيلي -
ماشاء الله تبارك الله حجاب الله كم قد معااااااانا ثورات وكم قد معانا اعياد وطنيه
لكل حزب ثوره وعيد
وكم قد معانا شهداء
وكم قد معانا جرحى
وكم قد معانا مهجرين ونازحين
وعاد احنا لامزيد والجايات شكلهن اكثر من الرايحات
لاتقلقوش فالجماعه سيضلوا احرار ثوار حيكملوا المشوار ومن براسه حميدان يطلع الميدان
حتى يصبح لكل مواطن ثوره وعيد وفي كل بيت جريح وشهيد ومن كل قريه نازح وشريد
وربما سيكون لكل قبيله رايه ونشيد
وقريبا ستكون الثورات متوفره في الاسواق وباسعار تناسب الجميع
ثورات معلبه وثورات طازجه وبمختلف الالوان والنكهات وهناك المزيد
ثورات سفري وثورات اصلي وثورات تقليد
و ثورات مدعومه من الخارج وثورات غير مدعومه "انت حر انت ووطنيتك" ياابن اليمن السعيد
وبركااااتك يا ربيعنا العربي "و زيد يا بي زيد"

‏احلام القبيلي