صنعاء نيوز/ أحلام القبيلي -
كانوا مُحبين
ويوم اتزوجوا الاثنين
وبيت واحد
ضم الحب والقلبين
مش شهر واحد
وعاشوا بالعسل شهرين
تدعيه روحي
وهو يدعي بنور العين
كلامها كالعسل
فرح قُليب الزين
خلاه يدعي تكون
حقه في الدارين
وبعد مده
تغير حالهم لاحال
وكل شي بينهم
اصبح غريب الحال
ماعاد يسمع لها
ولا تحب ما قال
صار الجفاء عندهم
في الحل والترحال
وفي يوم ساعة صفاء
قالت وهو سامع
ماعاد تهتم بي
كنك قدك قانع
دايم مع صاحبك
في البيت والشارع
ومايوم اهديتني
ورده ولو طابع
أو يوم فسحتني
يا حبي الضايع
أيش السبب ياحبيب
قلي عن الدافع
أجابها يا حياة
الروح والأبدان
انتي سبب كل ذا
وما حصل أو كان
حالش تغير معي
شفت النكد ألوان
كني أنا صاحبش
و زوجش النسوان
وكم يوم كان الزعل
لجل اشتري فستان
ما تفهمي انني
في حالتي تعبان
قالت وكله اسف
شوف الغلط قد بان
مني ومنك سوا
يا حبي الفتان
والحل في يدنا
بانقرع الشيطان
ترجع حياة الهناء
والود ذي قد كان
| 
جفاف المشاعر
