shopify site analytics
إيران: اتهامات أوروبا النووية باطلة والرد سيكون قويا - وفاة 3 أشخاص إثر سقوطهم في بئر مياه بمحافظة إب - المتحدث باسم اليونيسف: هناك غضب عالمي مما يجري في غزة - ترامب يأمر بتوسيع إنتاج الطائرات المسيرة ودعم الطيران الأسرع من الصوت - منيغ يكتب: المغرب عن أريافه غريب - انتشار أمني واسع في عدن لتأمين احتفالات عيد الأضحى - اللاعب الوحيد الذي تفوق على يامال في مباراة فرنسا - استفتاء.. الجمهور يختار الفائز بالكرة الذهبية - الرقص على طبول الوطن المجزأ !! - ماسك: ترامب مذكور في وثائق قضية إبستين الجنسية -
ابحث عن:



الأحد, 12-ديسمبر-2010
عمرو السعودي -


-





النهارده كات ملامحه

فيها حاجه من الغيوم

افتكرت معاه زمان

لما كان يجي الشتا

المطر منشد فصيح

والعيال متكلفته

كان بيجي

وقت تجليد الكتب

وقت تحضير المرايل

لما كنا نروح نجيب

العيش لبكره

لما كان الحلم قايل

النهارده الدنيا تشتي

بكره يمشي وتيجي

شمسي

بكره وشي

يبقي خالي

من الهموم

النهارده كات ملامحه

فيها حاجه من الغيوم

الشتا ما بقاش صريح

الغيوم ساعات يدوم

اوقات كتير

واحنا لسه في انتظار حبه مطر

كان زمان الريح

مايعرفش الخطر

كان بينفخ

في الاراجوز الورق

واحنا بنشر العرق

في طريق حلم العيال

الي مافيهوش مفترق

افتكرت حاجات كتيره

لما كان صوت المطر

زي الايقاع

افتكرت ان الامل

كان مستطاع

واحنا واقفين

في الطابور

واحنا بنغني النشيد

كان اكيد برد الشتا

.

كات ملامحه

خير بقمحه

مش حزينه ومحبطه

كان ابويا الفجر

وف عز المطر

قادر يقوم

النهارده كات ملامحه

فيها حاجه من الغيوم

النهارده

ادم ابني كان بيبني

طيارت

مره تطلع م الورق

ومره تانيه

مكعبات

قالي نفس اطير لفوق

قلتله بتعرف تسوق

قالي فين الشمس

راحت

قلته دي بتستخبه

عد من واحد لعشره

وانتظرها بس حبه

لو ماجتشي

روحلها ووماتتكسشفي

عمرها في حلمك ما تمشي

اصلها مالهاش في نوم



النهارده كات ملامحه

فيها حاجه من الغيوم

___________________

أضف تعليقاً على هذا الخبر
ارسل هذا الخبر
تعليق
إرسل الخبر
إطبع الخبر
RSS
حول الخبر إلى وورد

ملخصات تغذية الموقع
جميع حقوق النشر محفوظة 2009 - (صنعاء نيوز)