صنعاء نيوز -
الظروف دايما بتجبر
ونحن حاكمانا الارادة
مافي زول لي نفسو يقدر
بكتب الخير والسعادة
كيف تكون احلامنا واقع
والعيون عشقت سهادة
والقلوب كيفن تحقق
لي امانيها ومرادة
ونحن عايشين في مسلسل
كل يوم حلقات معادة
داك مسافر وداك راقد
وداك مريض ودو العيادة
بالعلينا بقينا نسرح
والسنين فاقدين عدادة
ولو سألنا اسباب ظروفنا
سؤالنا يبقا سؤال بلادة
الفرح ميزانو ناقص
وفي الحزن ماخدين هوادة
والعمر محسوب مقدر
ديمه ينقص بالزيادة
والخلوق في الدنيا جارية
فاكرا انو المال سعادة
وناسيه انو الموت قرييب