صنعاء نيوز عمرو السعودي -
السيد \ سيد

بكره العيد ونعيد

ونفضحك ياشيخ سيد

العم سيد شعبيه

السبحه جنب النقديه

الـ سيد استقرار باشا

الخوف ده دام فينا وعاشا

زهقنا نلزق في الشاشه

مانشوفش حالنا في الاخبار

سته وسبعه وتمانيه

هو السبب هي الجانيه

وشهر تسعه وفــ ثانيه

تظهر صناديقها التانيه

ورق الدعايه في كل جدار
ديمو كراسي *علي كراسي

كل القديم لساه راسي

لو كنت فاكر مش ناسي

عاش النظام النسناسي

مرعوب من الديب المكار

ده احنا الي لسه بنتقابل

جندوبه بتخطي لبابل

دم الشهيد راوي سنابل

تطرح لباقي الجمع قرار

عاشوا في اوطانا الاحرار

كاشفين الاعيب السيد

الي بيشحت ويئيد

والي هيفضل متقيد

عشان مــ يصبح متسيد

بفضل شغل الاستـ ح مار

بكره العيد ونعيد

لان لسه بلادنا عمار

____________
عمرو السعودي