صنعاء نيوز/عمر دغوغي -


بقلم: عمر دغوغي الإدريسي مدير مكتب صنعاء نيوز بالمملكة المغربية
[email protected]
https://web.facebook.com/dghoughiomar1

في زمن السرعة والضغوطات الاقتصادية، ولات الفرص كتجي بسرعة وكتمشي بسرعة.
ولكن، وسط هاد الزحام، كيبقى واحد القرار مهم بزاف فحياتك المهنية: فين غادي تخدم؟ مع من؟ وعلش؟
لأن الشغل ماشي غير وسيلة للدخل، بل هو مكان كتعطيه وقتك، جهدك، وصحتك النفسية. وهادشي علاش خاصك تختار خدمتك بعناية ووعي.
. لأن الشغل كيأثر على حياتك النفسية والعائلية
خدمة يومية وسط توتر، استغلال، أو عدم احترام، كتخلي الإنسان يرجع للدار مجهَد، معصّب، وما عندوش طاقة حتى يهضر مع ولادو.
الوظيفة السامة كتقتل الطموح والراحة بالتدريج، بلا ما تحس.
. لأن الشغل الغلط يقدر يضيع سنوات من حياتك
كتخدم سنوات فمجال ما كتحسش براسك فيه، بلا تطور، بلا تقديرحتى تفاجأ بأن الوقت دار دورو، والطموح مات قبل ما يحقق شي حاجة.
ماشي كل خدمة تنفعك، وكاينين خدمات كتشدك بلاصة بلا أمل، بحال القيد.
.باش ما تطيحش ففخ "أي خدمة أحسن من والو"
صحيح أن الحاجة كتخلي الإنسان يدير أي شي، ولكن ماشي كل مرة
خدمة مؤقتة باش توقف على رجليك مقبولة،
أما الاستمرار فوظيفة ما كتشبهلك، ولا كتستنزفك، فهو ثمن غالي بزاف

.لأن القيمة الذاتية كتبدأ من اختياراتك
منين تقول "لا" لوظيفة ما تناسبكش، كتحترم راسك.
منين تختار بيئة تحفزك وتزيدك لقدّام، كتعطي رسالة: "أنا نعرف قيمتي.
اختياراتك المهنية كتعكس مستوى الوعي والطموح اللي عندك.

. لأن الشغل خاصو ينميك ماشي يستهلكك
الخدمة اللي تزيدك معارف، تفتح ليك آفاق، وتخليك تتعلم، هي اللي تستحقك.
خدمة كتخليك واقف بلا تطوير، ماشي عمل هادي وقفة مؤقتة فحياتك

كيفاش تختار شغلك بعناية؟
سَوّل على قيمة الشركة: كيفاش كتعامَل الناس؟ واش كاين تطور؟
حدد أهدافك الشخصية: شنو باغي تتعلم وتوصل ليه؟
ما تغفلش على بيئة العمل: واش كتعاون؟ كتشجع؟
ماتخليش الراتب وحدو يغرّك.
القيمة، الراحة النفسية، وفرص التطور أهم من رقم فالشهر.
الخلاصة:
خدمتك ماشي مجرد عقد وفلوس
هي تجربة يومية كتشكلك، كتأثر على نفسيتك، وعلى مستقبلك.

اختار بعين العقل وبقلب الطموح.
ماشي كل فرصة هي فرصتكوماشي أي بلاصة تستاهل وقتك.
خدمتك خاصها تكون إضافة لحياتك، ماشي نقصان.