عمرو السعودي -
الحسابات
ملهاش في الشعر
ولا ينفع وياها السرحان
اصل ميزان الفكره
قايم علي ربح الشركه
اما الوضع العام
مصدر الهامه
بكام وبأيه
منه و اليه
دائن ومدين
هتقولي حزين
اكمن الشغل
ملوش في قلوب
البني ادمين
واكمن الصبح
بتحسب حسابات
بالملاين
وفي ليلك
بتكون من الملاين
طب حاسب
حاسب
وانت بتتوضي قبل النوم بهموم الناس
حاسب وانت بتحلم
لما بيرفض وجدانك
يتقاس
حاسب لما بتلعن
ام البورصه
واما بتهرب من فرصه
لفرصه
وتصير عصفور
في براح
الارض
حاسب لتسجل
باقي الحلم
في قرض
وتكون مديون بالفرض
في الميزانيه التانيه
________________
| 
من يوميات محاسب