صنعاء نيوز عمرو السعودي -
مازال بيحلم بالشجر
وبالربيع
لكن يخاف يستطعمه
ويخاف علي
طهره الوديع
يندم عليه يترحمه
فضل يدور علي
حاجه بتضحك
لكنه لسه بينكسف
مــ الضحك
ولسه جد لدرجه
الاراجوز
محجوز في عقله
احتمال الوصيه
والهروب مالخطيه
للي يجوز
مع ان مش كل
الي جاز
انجاز ولا عبقريه
لكنها بالطبع
موروثه
حبه حاجات
لساها محبوسه
في حسبه الايام
مازال بيحلم بالكلام
في العلن
لكنه لسه
ما خدش علي صوته
ودام مقام الرمز
في سكوته
ومسكنات الوجع
ليوم بتخلق جدع
ولا تجيب قوته
دالفعل لو يتبدع
الفجر ما يفوته
.......
| 
قبل الفجر